السلام عليكم والرحمة ..
انا ايامي هالفترة حافلة بالمذاكرة .. :s ..
من يومين وانا اذاكر قسمت المادة على يومين .. أول يومين ذاكرت جابترين (فصلين-وحدتين) .. وعلى أساس أمس أخلص وحدتين ..
لكن انصدمت بالوحدة الثاثة .. المادة مش صعبة حلوة وسهلة لكن دسمة ويبالها فهم .. والحمد لله انه نحن طول السنة بروجكتات فمش متعودين نمسك كتاب ونذاكر .. والحين جيه مرة وحدة.. الله يستر ..
المهم .. ذاكرت أمس وحدة وسهرانة لين 2 واليوم ناشة من الصبح وسرت الكلية من وقت قلت بذاكر الوحدة الأخيرة في المكتبة بستغل انه الامتحان الساعة 1 ..
وخلصت قبل شوي :) ..
وأحس ما أبا أراجع لأني تعبت ويمكن خايفة انصدم بإني مش عارفة شي بعد هالتعب رغم انه في سمري (ملخص ) بعد كل جابتر و كوز صغير وحسيت عمري اوكيه لكن الله يستر ..
الامتحان بعد شوي ... :S ... إلى اللقاااء
الوقت عندي 12 و 36 دقيقة
خلصت الإمتحان الساعة 3 .. الإمتحان كان ..اممم .. ما اعرف لا تعليق . . أول صفحتين صح وخطأ واختيارات وطبعا سهل وضامنة فيه درجات
لكن الباقي كله شرح .. وانا كتبت ما قصرت لكن بعد هالنوع من الأسئلة يخليني أشك وأحتار شوي ..
لكن أنا سويت اللي علي .. وإن شاء الله خير..
