لقاء مع الشيخ زايد بن سلطان آل نهيان

بسم الله الرحمن الرحيم ..

اليوم .. كان ممتع وحلو.. بعد ما تغدينا قررنا نطلع نشوف ابوظبي شوي .. يعني نغير جو .. واتجهنا صوب مسجد الشيخ زايد بن سلطان .. والمسجد كبير وايد وجديد .. وحلو .. (رح انزل الصور لما ارجع دبي.. يعني يمكن بكرة واذا انشغلت بعد بكرة .. ) .. رحنا شفنا ضريح الشيخ .. وما اعرف ليش يسمونه ضريح.. القبر وايد عادي .. لكن مكانه حلو .. وحسيت بشعور غريب .. اممم .. انا امام الشيخ زايد اللي أسس الدولة وكانت له قوته وسلطانه أيام الحكم.. لكنه في قبره الحين... سبحان الله .. قبر بسيط .. في وسط أبوظبي .. وانتهى.. كل انسان له نهايته كان شيخ , ملك , فقير ,غني.. كلنا مكانه هناك.. تحت التراب..

ارحمنا برحمتك يا رب العباد..

.
.
.

المهم نرجع للمسجد.. والمسجد عبارة عن تحفة معمارية .. حسيت عمري داخلة اممم.. ما اعرف اوصفه .. لكن ذكرني بضخامة المسجد الأموي .. لكن طبعا ما في مقارنة .. مسجد الشيخ زايد فخم وايد والنقوش اللي عليه روعة في صحن كبير مثل صحن المسجد الأموي تقريبا .. وداخل المسجد ثريات كبيرة وديكورات ونقوش اسلامية.. والسجاد الإيراني.. كل شي مميز وملفت بطريقة جذابة ..كانت رحلة سياحية حلوة .. المهم .. بعدين رحنا صوب البحر بالسيارة ما نزلنا وقريب المغرب عزمونا ع العشا فبيت قريبة بنت خالتي .. رحنا صلينا واتعشينا ورجعنا البيت.. وبكرة راجعين دبي ... ما اعرف احس ابا ارجع... لكن بنفس الوقت ما ابا .. الله كريم .. الحمد لله أحس عمري مستانسة اليوم (سعيدة) ..


اللهم صل على محمد وآل محمد ..إلهي أسألك برحمتك التي وسعت كل شيء قويني وصبرني واقضي لي حاجتي ..


صح نسيت .. http://shiamedia.com/save-bp5ex.html


كنا نسمع هالنشيدة في السيارة .. كلماتها حلوة .. :) .. وتحسسني بالفرحة ..


*****


الصور وصلت ..

المسجد من براقبر الشيخ
الصحن

المدخل

مدخل الرجال

المسجد

المنبر

مصلى النساء

وبس..